Xardíns verticais

A semana pasada, andivemos a preparar xardíns verticais con macetas de material reciclado, concretamente botellas de leite pintadas. mirade que chulis nos quedaron e como lucen no noso patio!

Reciclaxe e cambio climático

Estes días andamos a recopilar información sobre a reciclaxe e o cambio climático. Estamos na fase 1 do proxecto de investigación. Isto promete.....

Uns taquilleiros moi especiais

Xa que este ano, por mor do covid- temos que ter, as nosas cousas de xeito individual, puxémonos a traballar e fixemos uns taquilleiros reutilizando caixas de froita e bandexas de poliespán. Aquí está o resultado, do que estamos moooi orgullosos!!

Macetas reutilizadas

Para facer a nosa sementeira que mellor que facer uso de unhas macetas reutilizadas e decoradas por nós. Se seguido, sementaremos plantas que logo transplantaremos na horta da escola.

Abecedario reciclado

E para rematar a semana imos cunha actividade creativa do instagram de @teachingtachan: un abecedario reciclado. A idea é crear con elementos naturais e de refugallo as diferentes letras do alfabeto. Podemos comezar polas letras do noso nome e despois ir engadindo outras. Despois, podemos facer fotos das mesmas e imprimilas e traballar con ese abedecario propio para construír palabras. Déixámosvos esta imaxe a modo de exemplo. Boa fin de semana a todos/as!!!

Xogos de reciclaxe

Como hoxe celebramos o día do medioambiente. Presentámosvos  unha serie de xogos da fantástica web de ecoembes para imprimir e traballar cos nenos/as conceptos relacionados coa reciclaxe e o coidado do medio ambiente. Na seguinte imaxe atoparedes os xogos e material que a profe Laura buscou para este día tan importante.

Fachenda de horta!!

Así temos a nosa horta actualmente. E mesmo algún exalumno botando unha man. Graciñas!

Premendo na seguinte imaxe, veredes un vídeo de como está a nosa horta.

Coidando da nosa contorna dende a casa!!

Ola familia!

Dende a casa tamén seguimos a traballar a concienciación sobre o coidado do noso entorno. Para iso ofrecemos aos vosos fill@s un par de vídeos sobre a reciclaxe e un xogo online de SOGAMA.

[youtube I0DvtX4y48I&feature=emb_logo nolink]

Pinchade na seguinte imaxe de compostando para ver un interesante vídeo:

http://www.cadernoverde.gal/compostando/

E aquí ven un xogo para aprender a botar o lixo ao seu contedor. Premede na imaxe para entrar nel:



 

Sementeira na escola

Despois do troco de sementes que fixemos entre as escolas, puxémonos a traballar nas escolas para que unha vez nazan as prantas, poidamos plantalas na horta.

Reutilización e limpeza

Como vedes, aproveitamos as botellas dos deterxentes para facer carteis para a horta. Aproveitamos tamén para recoller os destrozos da horta e levalos a reciclar. Por outra parte, a raíz do que levamos traballando na escola, os nenos e nenas, pedíronlle ás familias recoller residuos na andainas coas súas familias e foi sorprendente o que recolleron, velí un exemplo. Asemade, Noemí trouxo unha botella para explicar que con esa xa non ía usar máis as de plástico. Bravo familias!!!!

Preparándonos para o troco de sementes

Como ben sabedes, o vindeiro xoves, visitaremos a plantación que fixemos o pasado curso e levaremos a cabo un troco de semenetes estre as escola. Alí estarán axentes de medio ambiente e as motobombas de ámbolos dous concellos. Para iso, xa estamos a preparalo todo, para que a experiencia sexa exitosa. Incluso elaboramos nós mesmos os paquetes para gardar as sementes.

Esta actividade que levamos a cabo no cole de Sarandón consistiu en escribir unha mentira para o noso carballo a cal posteriormente fomos a colgar para decoralo. Este é o resultado...

No Entroido tamén concienciados co cambio climático.

Como ben saberedes, este ano, o noso proxecto Voz Natura é principalmente sobre os plásticos e a reducción dos mesmos. Deste xeito, favorecemos o medioambiente, que é o que nos importa. Porén, este ano, con motivo do Entroido, quixemos desfrutar destas festas, facéndolle un aceno á reciclaxe en xeral e a reducción dos plásticos en particular. Para iso, levamos a cabo a elaboración dos nosos disfraces e acompañamentos das comparsas, como o camión de bombeiros, a lancha e mesmo o submarino, con de material reciclable. Deste xeito, non fixemos uso de plásticos que non fosen biodegradables.

Premendo na seguinte montaxe poderedes ver o noso traballo entroideiro e na ligazón da nosa pax web, están máis fotos e as actuacións do día do festival. Agardamos que vos guste!!.

Pax. web:cra.boqueixon.vedra



 

Sementeira de landras

Estamos no tempo de sementar e hoxe tivemos un taller moi interesante na escola. En primeiro lugar fixemos clasificación de sementes e logo fomos vendo o proceso da sementeira. Agora toca esperar que nazan para dar o seguinte paso.

Composteira e poda

Aproveitando os raios de sol que tivemos, andivemos a podar as plantas das fresas, collendo máis follas para a composteira e mesmo botamos miñocas para que fagan o seu traballo.

Reutilizando para xogar

Hoxe demos un paso máis e reutilizamos botellas de plástico para convertelas en palas para o areeiro.

Nova andaina neste gran Proxecto que é VOZ NATURA

Un curso máis, xa estamos aquí para traballar a reo nas nosas hortas e en pro do medio ambiente. Este ano repartiremos entre todas as escolas diferentes formas de coidar a natureza, fomentar a reciclaxe, comida san, veremos como podemos reducir os plásticos... e como non, as nosas hortas, que sen dúbida, darán moito que falar. Animádesvos?? Convidámosvos a partircipar nesta gran iniciativa que un ano máis botamos a andar.

Reciclamos no noso traballo diario

Si ben traballamos a poesía facendo os seus personaxes con material reutilizado, tamén recollimos tapóns e botes de iogures para traballar a motricidade fina e coordinación óculo manual ensartando os tapóns en cordeis. Tamén a reciclaxe tivo o seu lugar na lóxica-matemático empregando numerosos materiais para clasificacións, series, contaxes, agrupamentos según criterio dado...

As nosas hortas en familia

Igual que antigamente a xente traballaba os campos xunto cos veciños e amigos, no CRA Boqueixón-Vedra seguimos fieis ás tradicións e puxémonos a traballar duramente nas hortas en colaboración coas familais da escola, reciclando e facendo de esta iniciativa momentos de convivencia da comunidade educativa. Gracias a tod@s por estar sempre dispostos a botar unha man.

#hortacampo1819

Traballando e reciclando

Aproveitamos mentres aprendemos os contidos curriculares para xogar e afondar máis no bo uso dos colectores. En ocasións éntrannos as dúbidas e por iso non está de máis dar un repasiño de vez en cando.