Festival de Entroido-2023

Premendo na seguinte imaxe accederás á publicación da páx. web do festival de entroido deste ano. Agardamos que vos guste!!

 

 

ENTROIDO 2023

 Aquí vos deixamos unha pequena mostras destes días de entroido nas nosas escolas: disfraces, caretas, mandaos do burro, ...ata os nosos Xerais da Ulla estiveron presentes.

Este ano maís ca nunca GRAZAS as familias por participar deste entroido!!

 

 

 

 

 

TALLER SOBRE A IGUALDADE

 Este taller sobre a igualdade levouse a cabo grazas a colaboración da asociación FADEMUR,

organización que loita por alcanzar a igualdade e o progreso das mulleres que viven e traballan

 no medio rural.

O taller realizouse polas diferentes escolas, presentando actividades dinámicas que

 traballaban a igualdade.

A PAZ E O DÍA DO AMOR E A AMIZADE

Dende a clase de Relixión, conmemoramos de xeito conxunto o día da Paz e o día de San Valentín, coñecido tamén,  polo día do amor e a amizade. Primeiro, propuxemos celebrar para a Paz, o cumple da nosa mascota, Pombiña. Para iso, démoslle moitas sorpresas: Preparámoslle unha canción de cumple moi especial, que trata sobre a paz e deste xeito, o día do seu cumple, cantámoslla mentres lle poñíamos as velas para que soplara e dábamoslle moito cariño. Logo compartimos a tarta entre todos. En algunha escola xuntámonos cos de atención educativa, xa que a paz é de todos e compartir cousas bonitas, é o mellor que podemos facer. Pombiña tamén nos trouxo unha tarxeta para colorear e poñer na nosa mochila e así, identificala como mochila da Paz, con todas as cousas que aprendimos e que levan estas mochilas.

De seguido, como xa chegaba axiña o día de S. Valentín, fixemos unha árbore chea de amor no que puxemos ás persoas que máis queremos e que non nos podemos esquecer de agradecerlle todo o que fan por nós e tamén, poñer en práctica a paz con toda a xente que nos rodea.

A continuación, amosámosvos un vídeo no que se pode escoitar e ver como aprendemos a canción  que escollemos este ano para a Paz, unha adaptación do cantautor Unai Quirós, que se titula "Mi Mochila de la Paz". Do mesmo xeito, tamén vai un resumo do que estas dúas celebracións deron de sí. Agardamos que vos guste!!

Froita e leite na escola

Outro curso mais participamos do programa de FOGGA de Froita e Leite na escola para promover hábitos de alimentación saudable entre a rapazada e ata puidemos degustalos con algún convite de produtos típicos do entroido.

Xenerais da Ulla en Sergude

 Na escola de Sergude temos a sorte de ter un Xeneral da Ulla entre as nosas familias, así que lle pedimos que compartise con nós esta tradición tan arraigada na zona, e así foi, que fomos a correr o entroido pola parroquia, botamos vivas, fixemos atranques e mesmo montamos en cabalo como os Xenerais da Ulla. Grazas familias pola vosa colaboración, foi unha xornada inesquecible!

preme na imaxe para ter mais información sobre a xornada

Viva o entroido de Sergude!!!

NA CLASE DE E.F E MÚSICA TRABALLAMOS CONXUNTAMENTE UN XOGO-BAILE PARA CONMEMORAR O DÍA DA PAZ

 Xa sabemos que a Paz ten que estar con nós todos os días do ano, pero para celebrar todas as escolas xuntas o Día Escolar da Non Violencia e a Paz, desde a clase de E.F coa profe Olalla e desde a clase de Música coa profe Elena decidimos coordinarnos para realizar esta actividade tan chula. Botádele un ollo facendo click na imaxe

FESTEXAMOS O DIA DA PAZ!