Preparando a sementeira

Empezamos a preparar o noso horto e como paso previo, levamos a cabo o proceso da sementeira. Fixemos un traballo de investigación coa axuda das nosas familias. Deste xeito, aportáronnos información sobre as sementes que se podían plantar nestes meses, así como os coidados que necesitan. Asemade, mandáronnos algunhas sementes para facer prácticas.

Así, sementamos trigo, chícharos, cenorias, perexel, cebada, tirabeques, leituga, allos e allo porros, coles e fabas.

Preparamos a terra, colocamos as sementes e agora a esperar que medren.

Comezamos con gañas!!

Xa estamos de volta, con moitas gañas de facer e disfrutar cos nosos traballos. Foi moi emocionante ver aos nosos amigos e amigas e encontrar a nosa hortiña algo apagada pero nela naceron leitugas pequeniñas. Por iso, en S Xián decidimos poñernos mans á obra e trasplantalas para poder degustalas máis adiante.

Medrando a colleita de S Xián

Menuda sorpresa nos levamos cando nos mandaron estas fotos. A nosa horta é un éxito e comeza a dar o seu froito. Fresas, remolacha, grandes leitugas e ata millo. Mágoa non poder disfrutar dela cada día.

A HORTA DE CAMPORRAPADO

A nosa horta segue a medrar grazas ás familias.Premendo na seguinte imaxe, poderedes ver uns pequenos vídeos cos que nos sorprenden as familias amosando a nosa colleita. Graciñas!!

Fachenda de horta!!

Así temos a nosa horta actualmente. E mesmo algún exalumno botando unha man. Graciñas!

Premendo na seguinte imaxe, veredes un vídeo de como está a nosa horta.

A horta segue medrando en Camporrapado

A nosa horta segue medrando e premendo na seguinte imaxe poderás ver o bonita que está.

Sorpresa na horta de S Xián

Que alegría levamos cando o noso amigo Xosé, nos mandou estas fotos de como vai a nosa horta. Cando esta situación de quedar na casa, comezou, deixámola recén plantada e mirade no que se converteu co paso dos días. Moitas gracias Xosé e graciñas tamén aos avós de Ángela que se encargaron de botarlle unha auga cando foi necesario. Xa nos tarda volver para disfrutar dos nosos amig@s e da nosa colleita. Unha aperta!

Comeza a brotar a nosa sementeira!

Estamos moi ilusionados coa nosa sementeira. Icía e Ero coidan ben delas e xa vedes como empezan a sair as lentellas e o azafranillo.

A Hortoescola Xián!!

Fai 15 días puxemos a andar un novo horto no CRA. Aproveitando as obras de mellora que tivemos na escola, o concello fíxonos un apartadiño para poder facer realidad esta iniciativa. Para iso, dende o concello trouxéronnos a terra necesaria para poder empezar. Foi unha semana de duro traballo e asi é como quedou o horto da nosa escola o día antes de deixar o cole.
Visitounos o papá dos nosos amigos, Xián e Antón, para compartir con nós o seu bo facer en tema de plantas. Puxemos moita atención a todo o que nos contou Juan e dos seus consellos para prantar. Estabamos moi ilusionados con poder coidao o noso horto e ver medrar as sementes e flores que prantamos pero agora teremos que esperar a cando volvamos. ...
Pero...  Como as prantamos con tanto cariño e esmero seguro que nos están esperando para ofrecernos un sorriso!!! Moito ánimo a tod@s!!

Sementeira na escola

Despois do troco de sementes que fixemos entre as escolas, puxémonos a traballar nas escolas para que unha vez nazan as prantas, poidamos plantalas na horta.

Troco de sementes á beira do Pico

Nunca pensamos que daría tanto de sí unha actividade como foi, o troco de sementes entre escolas. Nun principio estaba previsto subir á cima do Pico Sacro e ver a evolución das árbores que plantamos o ano pasado, recibir a vissita dos axentes de media ambiente e tamén facer uso das motobombas de ámobols dous concellos, Boqueixón e Vedra. Neste día, a chuvia impediu que sibíramos ao Pico pero non que disfrutáramos da segunda parte desta saída que estaba prevista: facer troco de sementes entre as escolas do CRA. Foi unha actividade que resultou moi proveitosa: merendamos, xogamos, traballamos, fixemos cálculo e exercitamos a nosa memoria. Os obxectivos desta actividade estiveron mási que acadados por non dicir o ben que o pasamos. Sen dúbida que repetiremos esta experiencia. Agora queda pendente a subida ao Pico que non puidemos facer por mor da auga. Premendo na seguinte imaxe, poderedes ver un resumo do que dou de sí esta actividade.

Recolleita e novos experiementos

Estos dias tocou recolleitar do tomillo, acelgas que nós mesmos sementamos e coidamos. Tamén levamos a cabo un experimento de rebrote de cenorias qie resultou moi interesante.

Preparándonos para o troco de sementes

Como ben sabedes, o vindeiro xoves, visitaremos a plantación que fixemos o pasado curso e levaremos a cabo un troco de semenetes estre as escola. Alí estarán axentes de medio ambiente e as motobombas de ámbolos dous concellos. Para iso, xa estamos a preparalo todo, para que a experiencia sexa exitosa. Incluso elaboramos nós mesmos os paquetes para gardar as sementes.

De limpeza pola horta

Hoxe, co bonito día que nos acompañou, aproveitamos para limpar a nosa horta de malas herbas, aproveitalas para a compostaxe e deste xeito que sigan medrando, que en nada xa lle facemos a festa.

Recolleitando

Que alegría levamos, cando despois de tanto tempo, saimos ao patio e vemos a nosa horta cos froitos do noso traballo. Hoxe toca repartición de brécol e coliflor.

Ollos de dragón

Sempre estamos a investigar e descubrir novas cousas. Nesta ocasión chegou ata nós unha froita exótica que se chama ollo de dragón e a verdade que quedamos abraiados e como realmente se parece a un ollo.

Merendas saudables.

Logo dunha xuntanza na que os pais e nais do noso alumnado estivo totalmente dacordo en traballar na aula as merendas saudables, puxémonos de cheo con esta temática e con todo o que pode dar de sí, que é moito. Traballamos as cantidades, porcentaxes, receitas e ainda máis, reducimos o consumo de ambalaxes. e ao final.... rico rico e mercado na comercio local, aprendendo a pagar e todo iso, coa axuda da profe, feito por nós!!

Sembrando xudías en outono

Estes días, aproveitando os craros que nos regala a natureza, aproveitamos para recoller follas para a composteira e antes, collemos abono para prantar xudías nos maceteriros, que nós mesmos fixemos con material reciclable.

Xerminación das fabas

Fai uns días  decicidimos ver o proceso de xerminación das fabas. Para iso conseguimos ter fabas en diferente momento da xerminación e agora puidemos ver as diferencias da planta e como vai abrindo ata sair unha nova. Pareceunos moi interesante e máis saber que son moitas as plantas que lle ocorre o mesmo e que normalmente non o vemos por producirse debaixo da terra.

Convertíndonos nuns grandes larpeiros

Despois de tanto productos que plantamos que mellor que probalos todos os amigos e amigas xunt@s. Para iso, fixemos pan con tomate e coas mazás que nos trouxeron, probámolas e elaboramos unha riquísima tarta. Velaí o resultado!!