Día da Paz 2020

Como tódolos anos, a semana do día Internacional da Paz adicámola a facer distintas actividades dende as distintas áreas e especialidades. Todas e todos cremos firmemente que o día da Paz son tódolos días, pero aquí vos deixamos unha pequena mostra do noso traballo nestes días.

Nas escolas fixemos distintos traballos de aula, e despois cada unha traballou unha mensaxe de paz, que compartiu coas demais nun audio. Traballamos contos, poesías e palabras significativas. Tamén o fixemos en inglés, achegándonos a palabras relacionadas coa paz.

Programamos os nosos ratos empregando como contidos para facelo palabras importantes para crear un clima de paz permanente nas escolas e no mundo.
Traballamos o esquema corporal e a percepción espacial aprendendo a formar letras cos nosos corpos. Eles e elas foron os responsables de elexir as palabras, tomando conciencia das mesmas.
Tamén cantamos e bailamos ó ritmo de Uxía Lambona e a banda molona.
Unha maneira divertida de aprender e coa que os nosos pequechos e pequechas o pasaron xenial!

.