O TALLER DE CARMEN, A SUPERHEROÍNA CEGA

O mércores 8 de maio pasamos un rato ben especial con Carmen, que veu a Lestedo cunha maleta chea de xogos que todos coñecíamos, pero algo tranformados, adaptados para que os nenos e nenas ceg@s poidan xogar e aprender todo o que precisan para desenvolverse na vida coa máxima autonomía posible.

Coñecimos o Sistema Braille a través do boneco Braillín e de libros con moitísimas texturas, cores, letras e puntiños. Xogamos cunha pelota sonora, intentamos averiguar co olfato a cor de rotuladores que ulen  (amorodo-vermello, limón-amarelo, menta-verde, …). Puxemos antifaces e camiñamos coa axuda dun bastón máxico e plegable. Escoitamos un teléfono móbil que non paraba de falar rapidísimo e escribía ao ditado. Averiguamos para que servían os sonidos dalgúns semáforos e dos cambios nas baldosas das beirarrúas e que ata se podía andar en bici sen ver.

Carmen demostrounos que polo camiño da vida andan moitos superheroes sen capa. Moitas grazas e ata outro día.