VERMES DE SEDA

Este ano en Lestedo tamén tivemos vermes de seda. De feito naceron máis de 100 polo que a profe tivo que facer moitas donacións porque, eran demasiadas bocas que alimentar! e vaia se comen!.

Cando estaba a rematar o curso empezamos a ver como construían os seus casulos,  así que fixemos casiñas de cartón coloreadas con rotus para que se meteran nelas.

Como non avistamos ningunha bolboreta antes de que acabar o curso,  ahí van esas fotos ilustrativas. Mirade cantas hai!; perdín a conta ao pasar de 30. E poñen os ovos en  sitios inverosímiles, ata no chan que como ten algo de madeira débelles gustar.

Graciñas á mama de Paula polo seu esforzo constante en recoller follas de moreira. Desexo que ela e Manuel estean ben e moi entretidos.